A humanización da estrada provincial de Abelendo (EP-1104 que conecta a Porta do Cego con Coiro) comenzará coas obras da súa ambiciosa primeira fase na zona do Casal no mes de maio, despois de catro anos de tramitación e de traballo por parte da AVV San Martiño e do Concello de Moaña para lograr as cesións dos terreos necesarios.
A adxudicación das obras da primeira fase aprobarase este mesmo venres na Xunta de Goberno da Deputación de Pontevedra. A empresa adxudicataria terá un mes para iniciar os traballos e despois outros seis meses para construir toda a primeira fase. Isto supón un adianto nos prazos anunciados en xaneiro, que estimaban o comezo das obras para finais do verán.
Ningún comentario:
Publicar un comentario